افغان کرکٹ ٹیم کا دورہ پاکستان، پی سی بی نے تیاریاں شروع کردیں

11

لاہور: پاکستان کرکٹ بورڈ(پی سی بی) کے چیف ایگزیکٹو وسیم خان کا کہنا ہے کہ وزیراعظم نے افغانستان ٹیم کو دورے کی دعوت دی ہے، اس ضمن میں اقدامات کرنے جارہے ہیں۔

تفصیلات کے مطابق اپنے ایک بیان میں وسیم خان نے کہا ملکی معیشت کی بہتری کے لیے سرمایہ کاری جاری رکھیں گے، کھیلوں کی سرگرمیوں سے ملکی معیشت پر مثبت اثرات پڑتے ہیں۔

ان کا کہنا تھا کہ وزیر اعظم عمران خان نے افغانستان ٹیم کو دورے کی دعوت دی ہے، افغانستان ٹیم کے دورے کو ممکن بنانے کے لیے ونڈو نکالیں گے، اس حوالے سے بات چیت کریں گے۔

چیف ایگزیکٹو نے بتایا کہ ونڈو نکالنے کے لیے افغانستان کے ساتھ جلد ہی بات چیت کا آغاز کررہے ہیں۔

وسیم خان کا مزید کہنا تھا کہ پاکستان نے شروع سے ہی افغان کرکٹ کی معاونت کی ہے، راشدلطیف اور انضمام الحق نے افغانستان میں کوچنگ کی۔

Leave A Reply

Your email address will not be published.