سماعت سے محروم ثنا بہادر نے آسٹریلیا میں ایک اور اسکواش ٹائیٹل جیت لیا

کراچی: پشاور سے تعلق رکھنے والی سماعت سے محروم پاکستان کی ہونہار بیٹی ثنا بہادر نے آسٹریلیا میں ایک اور اسکواش ٹائٹل جیت لیا۔پاکستان آرمی کی نمائندگی کرنے والی ثنا بہادر نے سڈنی شہر کے کنٹربری کلب میں منعقد ہونے والا پی سی اے انڈیپنڈنٹ اسکواش کپ 2026 جیت لیا۔ موصولہ اطلاعات کے مطابق فائنل میں ثنا بہادر کا ٹکراؤ اپنی ہی ہم وطن نور الہدی سے ہوا، پہلا گیم ثنا بہادر نے اپنے نام کیا، دوسرا گیم جاری تھا کہ نور الہدیٰ ٹخنے میں چوٹ کے باعث ہرٹ ریٹائرڈ کی بنیاد پر مقابلے سے دست بردار ہو گئیں اس طرح ثنا بہادر کو فاتح قرار دے دیا گیا۔قبل ازیں دختر پاکستان ثنا بہادر نے آسٹریلیا ہی کے شہر میلبورن میں منعقدہ چیلنجر بینڈیگو اوپن اسکواش ٹائٹل جیت کر ملک کا نام بلند کیا تھا۔