ایشین کرکٹ کونسل کے صدر محسن نقوی نے کونسل کا سالانہ اجلاس طلب کرلیا۔اے سی سی ذرائع کے مطابق سالانہ جنرل اجلاس 24 جولائی کو ڈھاکا میں ہوگا جس کیلئے ایشین کرکٹ کونسل نے رکن ممالک کو نوٹس بھیج دیا ہے۔ایشین کرکٹ کونسل کا بتانا ہےکہ پاکستان بنگلا دیش سیریز بھی انہی دنوں ہو رہی ہوگی اور اجلاس میں رکن ممالک بھی مدعو ہوں گے۔ اے سی سی ذرائع کے مطابق عرصہ دراز کے بعد اے سی سی کی میٹنگ بنگلا دیش میں ہورہی ہے ، بھارت اور سری لنکا نے اجلاس کی وینیو اور تاریخ تبدیل کرنے کا کہا ہے، دونوں ممالک اجلاس کہیں اور کرانا چاہتے ہیں۔تاہم ذرائع کا کہنا ہے کہ ایشین کرکٹ کونسل کا اجلاس ڈھاکا میں ہی کروانے کا امکان ہے، اجلاس کی تیاری کے لیے 15 روز کا نوٹس اسی لیے دیا گیا ہے، اگر کوئی رکن ملک نہیں آ سکتا تو آن لائن شرکت کا آپشن بھی دیا گیا ہے۔ذرائع نے کہا کہ دنیا بھر میں آن لائن میٹنگز ہوتی ہیں، اے سی سی اور آئی سی سی کی بھی آن لائن میٹنگز ہوتی رہی ہیں۔
