آسٹریلیا میں برڈ فلو کا دوسرا کیس رپورٹ، پاپوا نیوگنی نے پولٹری کی درآمد روک دی

آسٹریلیا میں برڈ فلو کا دوسرا کیس سامنے آگیا۔برطانوی خبر رساں ادارے کے مطابق جنوبی آسٹریلیا کی ریاست میں برڈ فلو کا کیس سامنے آیا ہے۔اس حوالے سے انتظامیہ کا کہنا کہ پیر کے روز 2 انٹارکٹک سمندری پرندوں اور ایک آبی بگلے کو مردہ پایا جو مغربی آسٹریلیا میں پائے گئے۔آسٹریلیا کی دوسری ریاست میں انتہائی پیتھوجینک H5N1 برڈ فلو کے کیس کی اطلاع کے بعد حکام کی جانب سے نگرانی اور جانچ کے عمل کو تیز کردیا گیا ہے۔دوسری جانب ہمسایہ ملک پاپوا نیوگنی نے آسٹریلیا سے پولٹری کی تمام درآمدات معطل کردی ہیں۔اسی حوالے سے آسٹریلیا کی وزیر زراعت نے کہا کہ برڈفلو سے فی الحال انسانوں کو کوئی خطرہ نہیں ہے، مرغی کا گوشت اور انڈے، جیسا کہ عام طور پر تیار کیےجاتے ہیں کھانے کے لیے بالکل محفوظ ہیں۔میڈیا رپورٹس کے مطابق جنوبی آسٹریلیا کے مغربی اور دور مغربی ساحلوں کے ساتھ پانی کی بلیوں کی افزائش کے مقامات پر زمینی نگرانی اور ڈرون سروے کیے جا رہے ہیں۔حکام کا کہنا ہےکہ ریاست میں جانچ کے لیے 11 نمونے بھیجے گئے ہیں اور وائرس کے تیسرے کیس کی تصدیق ہونے کی توقع ہے۔