پینسلوینیا کے شہر گیٹس برگ میں معروف پیرانارمل محقق ڈین ریویرا 54 برس کی عمر میں انتقال کر گئے۔غیر ملکی میڈیا رپورٹ کے مطابق اینابیل کو خطرناک اور شیطانی طاقتوں والی خوفناک گڑیا ماننے والے پیرانامل تفتیش کار ڈین ریویرا 13 جولائی 2025 کو ایک ہوٹل کے کمرے میں بے ہوش پائے گئے، جہاں اُن کے ساتھیوں نے انہیں فوری طور پر سی پی آر دینے کی کوشش کی، مگر وہ جاںبر نہ ہوسکے۔ڈین ریویرا، نیو انگلینڈ سوسائٹی فار سائیکک ریسرچ (NESPR) کے مرکزی محقق تھے اور "ڈیولز آن دی رن ٹور” کے سلسلے میں علاقے میں موجود تھے، جس میں مشہور ’اینایبل‘ ڈول کو بھی پیش کیا جاتا تھا۔مقامی پولیس کے مطابق اُن کے کمرے میں کسی مشتبہ سرگرمی کا کوئی ثبوت نہیں ملا اور موت کی اصل وجہ جاننے کے لیے پوسٹ مارٹم کیا جا رہا ہے، جس کی رپورٹ 60 سے 90 دن میں متوقع ہے۔نیو انگلینڈ سوسائٹی فار سائیکک ریسرچ نے رویرا کی موت کو ایک گہرا صدمہ قرار دیتے ہوئے کہا کہ وہ گزشتہ دہائی سے نہ صرف ٹیم کا اہم حصہ تھے بلکہ ایک وفادار اور مخلص دوست بھی تھے۔یاد رہے کہ ڈین ریویرا ٹک ٹاک پر اپنی ویڈیوز کے ذریعے نوجوانوں میں خاصے مقبول ہو گئے تھے اور اُن کے دورے اکثر مکمل طور پر فروخت ہو جاتے تھے، جیسے کہ گیٹس برگ میں ان کے 1,200 سے زائد ٹکٹ فروخت ہوئے تھے۔شیطانی طاقتوں والی اینابیل پر یقین رکھنے والوں میں ڈین ریویرا کی موت کو لے کر تشویش پائی جارہی ہے اور ان کا یہ ماننا ہے کہ ان کی اچانک اور اس پراسرار موت کے پیچھے اینابیل کی ہی ہاتھ ہے کیونکہ ریویرا ان دنوں اینابیل سمیت دیگر خوفناک چیزوں پر ہی ریسرچ کر رہے تھے۔
