پہلا ون ڈے: مہلی بیئرڈمین کی ڈیبیو پر شاندار بولنگ، آسٹریلیا نے انگلینڈ کو شکست دے دی

آسٹریلیا نے پہلے ون ڈے انٹرنیشنل میں انگلینڈ کو 7 وکٹوں سے شکست دے کر تین میچوں کی سیریز میں برتری حاصل کرلی۔پرتھ میں کھیلے گئے مقابلے میں انگلش ٹیم آسٹریلوی بولرز کے سامنے بے بس دکھائی دی اور پوری ٹیم صرف 131 رنز پر ڈھیر ہوگئی۔آسٹریلیا کی جانب سے 21 سالہ فاسٹ بولر مہلی بیئرڈمین نے اپنے ون ڈے ڈیبیو کو یادگار بناتے ہوئے 24 رنز دے کر 6 وکٹیں حاصل کیں۔انہوں نے اپنے ابتدائی اسپیل میں ہی انگلینڈ کے اہم بلے بازوں کو پویلین کی راہ دکھائی جن میں کپتان ہیری بروک، جو روٹ، ٹام بینٹن، جارڈن کاکس اور سیم کرن شامل تھے۔ ان کی شاندار کارکردگی نے میچ کا نقشہ بدل دیا۔انگلینڈ کی جانب سے ٹام بینٹن 25 رنز کے ساتھ نمایاں رہے جبکہ صرف تین کھلاڑی 20 رنز کا ہندسہ عبور کرسکے۔جواب میں آسٹریلوی کپتان مچل مارش نے جارحانہ بیٹنگ کا مظاہرہ کرتے ہوئے محض 29 گیندوں پر نصف سنچری مکمل کی اور ٹیم کو 23.3 اوورز میں ہی کامیابی دلا دی۔