سعودی ولی عہد سے کویت کے وزیر اعظم کی ملاقات، تعلقات کو فروغ دینے پر تبادلہ خیال

ریاض:سعودی عرب کے ولی عہد و وزیر اعظم شہزادہ محمد بن سلمان سے کویت کے وزیر اعظم شیخ احمد عبداللہ الاحمد الصباح نے ملاقات کی اور دوطرفہ تعلقات کے فروغ بارے تبادلہ خیال کیا۔مقامی ا میڈیا کی رپورٹ کے مطابق ملاقات کے دوران دونوں رہنماؤں نے برادر ملکوں کے درمیان تاریخی تعلقات، دوطرفہ تعاون کے پہلوؤں، مختلف شعبوں میں تعاون بڑھانے کے طریقوں کا جائزہ لیا۔دونوں وزرائے اعظم نے مشترکہ دلچسپی کے متعدد امور پر بھی تبادلہ خیال کیا، اس موقع پر کویت میں سعودی سفیر شہزادہ سلطان بن سعد، وزیر مملکت اور کابینہ کے رکن شہزادہ ترکی بن محمد اور دیگر حکام بھی موجود تھے۔