ممدانی انتظامیہ نے سینکڑوں مزدوروںکو101 لاکھ ڈالر سےزائد واپس دلوائے

میئرنیویارک ظہران ممدانی اور ڈپارٹمنٹ آف کنزیومر اینڈ ورکر پروٹیکشن کے کمشنر سموئیل اے اے لیوائن نے والگرینز، آل اسٹار سیکیورٹی اینڈ کنسلٹنگ، کیلزیڈونیا (انٹیمیسیمی) اور کنشپ کافی کے خلاف نیویارک سٹی کے مزدور تحفظ کے قوانین کی خلاف ورزی پر تصفیے کا اعلان کیا۔ان چار کمپنیوں نے 1600 سے زائد مزدوروں کو مجموعی طور پر 21 لاکھ ڈالر سے زیادہ کی واپسی ادا کرنی ہے، اس کے علاوہ 2 لاکھ 18 ہزار ڈالر سے زائد جرمانے اور دیگر اخراجات بھی ادا کرنے ہیں۔ ممدانی انتظامیہ کے آغاز سے اب تک DCWP نے نیویارک سٹی کے مزدوروں کے لیے 101 لاکھ ڈالر سے زیادہ کی واپسی یقینی بنائی ہے۔میئر ممدانی نے کہا: جب کوئی کمپنی کسی مزدور کا شیڈول کم کرتی ہے یا اس کی چھٹی میں خلل ڈالتی ہے تو اس کا نقصان مزدور کو اٹھانا پڑتا ہے ۔بچے کو سکول سے لینے نہ جا سکنا، وہ شفٹ کھو دینا جس پر وہ انحصار کر رہا تھا، یا دو دن کی نوٹس پر بچوں کی دیکھ بھال کا بندوبست کرنا۔ یہ قوانین اس لیے موجود ہیں کہ کام کرنے والے خاندانوں کو نوکری میں استحکام ملے۔ اگر کارپوریشنز ان قوانین کو توڑنے کا انتخاب کرتی ہیں تو انہیں جو کچھ واجب ہے ادا کرنا پڑے گا۔ڈپٹی میئر فار اکنامک جسٹس جولی سو نے کہا: ہر ایک کا وقت قیمتی ہے، مگر اکثر مزدوروں کے ساتھ ایسا سلوک کیا جاتا ہے جیسے ان کا وقت کوئی اہمیت نہیں رکھتا۔ میں نے اپنے کیریئر میں مزدوروں کو وہ معاوضہ دلانے اور ان کے ساتھ بنیادی عزت کا سلوک کرانے کے لیے جدوجہد کی ہے۔ مزدوروں کے وقت کا احترام ان دونوں باتوں سے متعلق ہے۔ جب کوئی آجر بغیر اطلاع کے شیڈول بدلتا ہے یا اچانک شفٹ لینے سے انکار پر سزا دیتا ہے تو یہ طاقت کا غلط استعمال ہے۔ اور ان اقدامات کے ذریعے ہم واضح پیغام دے رہے ہیں کہ یہ قانون کے خلاف ہے۔