بھارتی کرکٹ ٹیم کے وکٹ کیپر ورید ھیمن ساہا نے تمام فارمیٹ سے ریٹائرمنٹ کا اعلان کردیا۔بھارتی میڈیا رپورٹ کے مطابق بھارت کے بہترین وکٹ کیپرز میں شامل ہونے والے ورید ھیمن ساہا نے سماجی رابطے کی سائٹ ایکس پر تمام فارمیٹس سے ریٹائرمنٹ کا اعلان کیا۔انہوں نے لکھا کہ رانجی ٹرافی کے بعد میرا کرکٹ کیریئر ختم ہوجائے گا۔ اطلاعات ہیں کہ ساہا 2025 میں انڈین پریمیئر لیگ کا حصہ بھی نہیں ہوں گے۔ساہا کا 2023 میں بھارتی کرکٹ بورڈ سے کنٹریکٹ بھی ختم ہوگیا تھا جس کے بعد وہ ڈومیسٹک کرکٹ کھیل رہے تھے۔انہوں نے اپنے پیغام میں لکھا کہ بنگال کرکٹ ٹیم کی نمائندگی میرے لیے اعزاز کی بات ہے، رانجی ٹرافی کا یہ میرا آخری سیزن ہے۔ انہوں ن سپورٹ کرنے پر سب کا شکریہ ادا کرتے ہوئے لکھا کہ کرکٹ کا یہ سفر آپ کی محبتوں اور سپورٹ کی وجہ سے شاندار رہا۔واضح رہے کہ ورید ھیمن بھارتی ٹیسٹ کرکٹ ٹیم کا حصہ رہے اور انہوں نے 2023 کے بعد جب بی سی سی آئی سے کنٹریکٹ ختم ہوا تب سے قومی کرکٹ ٹیم سے کنارہ اختیار کرلیا تھا اور پھر وہ دوبارہ ایکشن میں نظر نہیں آئے۔
