ٹرمپ کیخلاف تفتیش کرنے والے سابق اسپیشل کونسل جیک اسمتھ خود تحقیقات کی زد میں آگئے

امریکی صدر ڈونلڈ ٹرمپ کے خلاف تفتیش کرنے والے سابق اسپیشل کونسل جیک اسمتھ خود تحقیقات کی زد میں آگئے۔خبر ایجنسی کے مطابق جیک اسمتھ پر ممکنہ طور پر سرکاری حیثیت میں سیاسی سرگرمیوں میں حصہ لینےکا الزام ہے۔رپورٹ کے مطابق یہ کارروائی ہیچ ایکٹHatch Act کے تحت کی جا رہی ہے جو امریکی قوانین کے مطابق سرکاری اہلکاروں کو سیاسی سرگرمیوں میں مداخلت سے روکتا ہے۔جیک اسمتھ نے ٹرمپ کےخلاف 2 مقدمات کی تحقیقات کی تھیں۔یاد رہے کہ جیک اسمتھ کو 2022 میں اسپیشل کونسل کےطورپر مقرر کیاگیا تھا اور انہوں نے رواں سال کے آغاز میں اپنے عہدے سے استعفا دیا تھا۔