ریاض: سعودی عرب کی شپنگ کمپنی بحری نے بتایا ہے کہ پیر کو آبنائے ہرمز سے گزرتے ہوئے ایس آئی ڈی آر نامی بحری جہاز پر پیش آنے والے ایک واقعے میں عملے کے 2 ارکان ہلاک ہوگئے۔سعودی شپنگ کمپنی بحری نے تصدیق کی ہے کہ ہلاک ہونے والے دونوں ملاح فلپائن کے شہری تھے۔کمپنی کے مطابق یہ واقعہ جہاز کے آبنائے ہرمز سے گزرنے کے دوران پیش آیا۔ تاہم فوری طور پر واقعے کی نوعیت، اس کی وجہ اور جہاز کو پہنچنے والے ممکنہ نقصان کی مزید تفصیلات سامنے نہیں آئی ہیں۔آبنائے ہرمز عالمی تجارت اور توانائی کی ترسیل کے لیے انتہائی اہم سمندری راستہ ہے۔ خطے میں جاری کشیدگی کے باعث یہاں سے گزرنے والے تجارتی جہازوں کی سلامتی پر عالمی سطح پر تشویش پائی جاتی ہے۔واقعے کے بعد آبنائے ہرمز میں بحری جہازوں کی سکیورٹی اور تجارتی آمدورفت سے متعلق خدشات مزید بڑھنے کا امکان ہے۔
