نیویارک سٹی کے میئر ظہران ممدانی نے ٹیلر سوئفٹ اور ٹریوس کیلسی کی میڈیسن اسکوائر گارڈن میں ہونے والی آنے والی شادی کا مذاقیہ انداز میں ذکر کرتے ہوئے فورتھ آف جولائی ویک اینڈ پر تاریخ ساز ہیٹ ویو سے نمٹنے کی تیاریوں کا اعلان کیا۔ایک حالیہ پریس کانفرنس کے دوران 34 سالہ سیاستدان نے شہر کے انتہائی گرمی سے نمٹنے کے منصوبے پر بات کی۔ انہوں نے نیویارکرز کو مشورہ دیا کہ وہ گھروں کے اندر رہیں اور ٹھنڈے رہنے کی کوشش کریں کیونکہ درجہ حرارت تین ہندسوں (100°F سے اوپر) تک جانے والا ہے۔انہوں نے ٹریوس کیلسی اور ٹیلر سوئفٹ کی آنے والی شادی کا بھی ذکر کیا، جس میں انہوں نے MSG کو شادی کا مقام ہونے کی تصدیق کی ۔ممدانی نے کہاکہ اگر آپ اتفاقاً میڈیسن اسکوائر گارڈن میں شادی کر رہے ہیں تو آپ اندر ہی رہیں گے اور ٹھنڈے رہیں گے۔ان کا اشارہ پاپ سٹار اور NFL کھلاڑی کی آنے والی شادی کی طرف تھا جو اس مشہور نیویارک شہر کے مقام پر ہو رہی ہے۔ممدانی نے مزید کہااور مجھے لگتا ہے کہ یہ شہر بھر کے لیے ایک اچھی مثال قائم کر رہا ہے۔دریں اثنا مقامی پولیس ہزاروں سوئیفٹیز (ٹیلر کے مداحوں) کے لیے تیار تھی جو اس مشہور مقام پر پہنچ کر گریمی ایوارڈ یافتہ گلوکارہ اور اس کے فٹبال سٹار منگیتر کو دیکھنے کی امید رکھتے ہیں۔
