پاکستانی فائٹر ملیحہ علی نے آئی ایم ایم اے ایف ورلڈ چیمپئن شپ میں تاریخ رقم کر دی

پاکستان کی فائٹر ملیحہ علی آئی ایم ایم اے ایف ورلڈ چیمپئن شپ کے فائنل میں پہنچ گئیں۔تفصیلات کے مطابق ملیحہ علی نے پین امریکن چیمپئن میکسیکو کی اینڈریا گیبریلا گزمین کو شکست دے کر فائنل میں پہنچنے والی پہلی پاکستانی خاتون بننے کا اعزاز حاصل کر لیا۔ملیحہ علی نے فائنل تک کے اپنے اس تاریخی سفر میں دنیا کی دو مضبوط ترین حریفوں کو مات دی۔اس سے قبل انہوں نے روس کی نامور یورپی چیمپئن کو شکست دی تھی۔