ٹرمپ نے شہباز شریف کا بیان سوشل میڈیا پر شیئر کردیا، پاک بھارت کشیدگی پر بڑا اشارہ

امریکی صدر ڈونلڈ ٹرمپ نے وزیراعظم شہباز شریف کی اقوام متحدہ کی جنرل اسمبلی میں کی گئی تقریر کا ایک حصہ اپنے سوشل میڈیا اکاؤنٹ پر شیئر کردیا، جس میں پاکستانی وزیراعظم نے پاک بھارت کشیدگی، 2025 کی جنگ بندی اور مسئلہ کشمیر کا ذکر کیا تھا۔وزیراعظم شہباز شریف نے اپنے خطاب میں کہا تھا کہ بھارت نے ایک بیانیہ بنا کر پاکستان کے خلاف فوجی کارروائی کی، تاہم پاکستان نے فیلڈ مارشل عاصم منیر کی قیادت میں اس کا مقابلہ کیا۔ انہوں نے پاکستانی فوج کی تیاری اور کارروائی کو بھارت کے لیے ایک سبق قرار دیا تھا۔ یہ وزیراعظم کا بیان تھا اور اس میں بھارت کے اقدام سے متعلق پاکستان کا مؤقف پیش کیا گیا تھا۔شہباز شریف نے اپنی تقریر میں امریکی صدر ڈونلڈ ٹرمپ کے کردار کا بھی ذکر کیا۔ ان کے مطابق ٹرمپ کی سفارتی مداخلت کے نتیجے میں جنوبی ایشیا میں ایک بڑی جنگ ٹلی اور لاکھوں جانیں بچیں۔ ٹرمپ اس سے قبل بھی اقوام متحدہ کی جنرل اسمبلی سے خطاب میں پاکستان اور بھارت کے درمیان 2025 کی لڑائی میں اپنے کردار کا ذکر کر چکے ہیں۔وزیراعظم نے کہا کہ مستقبل میں جنوبی ایشیا کو دوبارہ ایسی صورتحال سے بچانے کے لیے مسئلہ کشمیر کا حل ضروری ہے۔ ان کے مطابق خطے میں پائیدار امن کے لیے پاکستان اور بھارت کے درمیان بنیادی تنازعات کو حل کرنا ہوگا۔