پاکستانی فلم “دیمک” کا کینیڈا میں پریمیئر ہوا جسے دیکھنے والوں نے خوب سراہا۔ ہاررر فلم “دیمک” کا پریمیئر کینیڈا کے شہر اووکوِل میں میں ہوا جس میں شائقینِ فلم نے اسے ایک ٹرینڈ سیٹر قرار دیا جبکہ فلم بینوں نے فلم کے ٹیم ممبرز کے ساتھ تصاویر بھی لیں۔ٹورنٹو اور کینیڈا کے دیگر شہروں سے پاکستانی کمیونٹی کی کثیر تعداد سنیما ہال پہنچی اور فلم پروڈوسر مراد علی، ڈائریکٹر رافع راشدی، اداکارہ ثمن انصاری اور پریمئیر آرگنائزر فہیم حامد علی کی کاوش کو سراہا۔ پریمئیر میں پاکستانی نژاد کینیڈین سینیٹر سلمیٰ عطاءاللہ جان اور کمیونٹی رہنماؤں نے بھی شرکت کی جبکہ فلم بینوں نے کہانی، پروڈکشن اور اداکاروں کی پرفارمنس کی خوب تعریف کی اور فلم کو ٹرینڈ سیٹر قرار دیا۔ واضح رہے کہ فلم”دیمک” 17 اکتوبر کو کینیڈا بھر کے سنیما گھروں میں نمائش کے لیے پیش کی جا رہی ہے۔
