غزہ: (دنیا نیوز) حماس کے مسلح ونگ عزالدین القسام بریگیڈز نے دو اسرائیلی یرغمالیوں کی ویڈیو جاری کی ہے جس میں دونوں افراد کو زندہ حالت میں دکھایا گیا ہے۔میڈیا رپورٹ کے مطابق یہ دونوں افراد الکانہ بوہبوت (36 سال) اور یوسف حییم اوہانا (24 سال) کو اسرائیلی گروپ نے شناخت کیا، جنہیں 7 اکتوبر 2023ء کے حماس کے حملے کے دوران اغوا کیا گیا تھا۔رپورٹ میں مزید بتایاگیا ہے کہ ویڈیو میں بوہبوت کو کمزور حالت میں زمین پر کمبل میں لپٹا ہوا دیکھا جا سکتا ہے جبکہ اوہانا عبری زبان میں اسرائیلی حکومت سے مطالبہ کرتا ہے کہ وہ غزہ میں جاری فوجی کارروائی بند کرے اور باقی تمام یرغمالیوں کی رہائی کو یقینی بنائے۔
