روس: کرونا ویکسین ٹیسٹ کا دوسرا مرحلہ کامیاب

ماسکو: روس میں کرونا ویکسین کے دوسرے مرحلے میں کامیابی کے ساتھ کلینکل ٹیسٹ کیے جا رہے ہیں۔

روس کا’اسٹیٹ ریسرچ سینٹر آف وائرولوجی اینڈ بائیو ٹیکنالوجی ویکٹر ‘کرونا ویکسین کے دوسرے مرحلے کا ٹیسٹ کر رہا ہے اور اس میں حصہ لینے والے رضا کاروں کو کسی قسم کی پریشانی نہیں ہے۔

روس کے واچ ڈاگ روسپوٹریبنڈزر سربراہ انا پوپووا کا کہنا ہے دوسرے مرحلے میں کامیابی کے ساتھ کلینکل ٹیسٹ کیے جا رہے ہیں۔انہوں نے بتایا کہ جن لوگوں نے ویکسین کی خوراک لی ہے انہیں کسی طرح کا مسئلہ نہیں ہوا۔

روس کے واچ ڈاگ روسپوٹریبنڈزر سربراہ نے کہا کہ روس کو وبا کے بحران سے موثر انداز میں نمٹنے کے لیے کرونا کی کئی ویکسین تیار کرنے کی ضرورت ہے اور اس وقت سائنسدان مختلف ویکسین بنانے کی جدوجہد میں لگے ہوئے ہیں۔

انا پوپووا کا کہنا تھا کہ یہ بالکل یقینی ہے کہ روس سمیت ہر ملک میں مختلف ویکسین موجود ہونی چاہیے۔

یاد رہے کہ گزشتہ ہفتے 11 اگست کو روس نے دنیا کی پہلی کرونا ویکسین استعمال کرنے کا دعویٰ کیا تھا۔