محققین نے حال ہی میں اہرام مصر کے نیچے ایک وسیع زیر زمین شہر جو 6,500 فٹ سے زیادہ پھیلا ہوا ہے، دریافت کیا ہے۔اٹلی اور اسکاٹ لینڈ کے محققین کا دعویٰ ایک تحقیق سے سامنے آیا ہے جس میں اہرام مصر کے نیچے زمین کی گہرائی میں ہائی ریزولوشن تصاویر بنانے کے لیے ریڈار کا استعمال کیا گیا تھا۔اہرام کے 2,100 فٹ نیچے آٹھ عمودی سلنڈر کے سائز کے ڈھانچے اور 4,000 فٹ گہرے مزید نامعلوم ڈھانچے سائنسدانوں کو ملے ہیں۔ٹیم کے ذریعہ ایک پریس ریلیز میں نتائج کو "حیرت انگیز” قرار دیا گیا ہے۔ اگر یہ سچ ہے تو یہ قدیم مصر کی تاریخ کو نئے سرے سے اجاگر کرسکتا ہے۔تاہم دیگر ماہرین نے اس تحقیق کے بارے میں شدید خدشات کا اظہار کیا ہے۔پروفیسر لارنس کونیئرز، جو یونیورسٹی آف ڈینور میں ریڈار کے ماہر ہیں، نے بتایا کہ ریڈار ٹیکنالوجی کے لیے زمین میں اتنی گہرائی تک جانا ممکن نہیں ہے، جس کی وجہ سے زیر زمین شہر کا تصور بہت زیادہ مبالغہ آرائی ہے۔
