انڈر 19 ورلڈ کپ کے ساتویں میچ میں بھارت نے بنگلا دیش کو ڈی ایل میتھڈ کے تحت 18 رنز سے شکست دے دی۔بُلاوایو میں کھیلے گئے میچ میں 49 اوورز میں 239 رنز کا ہدف ڈک ورتھ لوئس کے تحت 29 اوورز میں 165 تک محدود کر دیا گیا۔جس کے تعاقب میں بنگلادیش کی ٹیم 29 ویں اوور میں 146 رنز بنا کر آؤٹ ہوگئی۔بنگلادیش کی جانب سے عزیز الحکیم 51 رنز بنا کر نمایاں رہے۔ رفعت بیگ 37، رزان حسین 15، کلام صدیقی 15، شیخ پرویز جبن 7، زواد ابرار 5، سمیع النبصیر 2، اقبال حسین ایمان 2، فرید حسن 1 اور الفہد 0 کے انفرادی اسکور پر آؤٹ ہوئے۔سعد اسلام 1 رن بنا کر ناٹ آؤٹ رہے۔بھارت کی جانب سے وہان ملہوترا نے 4 وکٹیں حاصل کیں۔ کھلان پٹیل نے 2 جبکہ کنشک چوہان، ہینل پٹیل اور دیپیش دیویندرن نے 1، 1 کھلاڑی کو آؤٹ کیا۔اس سے قبل بنگلادیش کی دعوت پر پہلے بیٹنگ کرتے ہوئے بھارت کی ٹیم 49 ویں اوور میں 238 رنز بنا کر آؤٹ ہوگئی۔
