کھیل
نیوزی لینڈ اور انگلینڈ کے درمیان پہلا ٹی 20بارش کی نذر

نیوزی لینڈ اور انگلینڈ کے درمیان تین ٹی ٹوئنٹی میچز کی سیریز کا پہلا میچ بارش کی نذر ہوگیا۔کرائسٹ چرچ میں کھیلے گئے میچ میں نیوزی لینڈ نے ٹاس جیت کر انگلینڈ کو پہلے بیٹنگ کرنے کی دعوت دی تو انگلینڈ نے مقررہ 20 اوورز میں 6 وکٹوں کے نقصان پر 153 رنز بنائے۔سیم کرن 49 رنز بناکر ناقابل شکست رہے۔نیوزی لینڈ کی جانب سے چھ بولرز کا استعمال کیا گیا اور سب نے ہی ایک ایک وکٹ حاصل کی۔اننگز کے وقفے کے دوران تیز بارش شروع ہوگئی جو کافی دیر جاری رہنے پر امپائرز نے میچ منسوخ کرنے کا فیصلہ کیا۔دونوں ٹیموں کے مابین دوسرا ٹی ٹوئنٹی 20 اکتوبر جبکہ تیسرا ٹی ٹوئنٹی 23 اکتوبر کو کھیلا جائے گا۔