جیولین تھرور ارشد ندیم پیرس اولمپکس 2024 میں گولڈ میڈل جیتنے کے بعد انعامات کے اعلانات سے متعلق حقائق سامنے لے آئے۔ارشد ندیم نے پریس اولمپکس کے فائنل میں 92.97 میٹر کی تھرو کرکے پاکستان کا نام روشن کیا تھا جبکہ ان کے مدمقابل بھارتی اولمپک نیرج چوپڑا شکست کھا گئے تھے۔اولمپکس میں شاندار فتح کے بعد وفاقی اور صوبائی حکومتوں سمیت دیگر اداروں نے ارشد ندیم کو کروڑوں روپے انعامات دینے کا اعلان کیا تھا جس میں پلاٹس بھی شامل تھے۔اپنے حالیہ انٹرویو میں اولمپک چیمپیئن ارشد ندیم نے انعامات سے متعلق بات کرتے ہوئے بتایا کہ ’’اعلان کردہ انعامات میں سے نقد انعامات وصول کر چکا ہوں البتہ پلاٹس سے متعلق اعلانات جعلی تھے۔‘‘دیگر نوجوانوں کی ٹریننگ دینے کے سوال پر ارشد ندیم نے واضح کیا کہ ’’نئے آنے والے نوجوانوں کو ٹریننگ میرے کوچ سلمان بٹ ہی دیتے ہیں کیونکہ میری ساری توجہ خود پر ہے تاکہ آئندہ ایونٹس پر بھرپور کھیل پیش کر سکوں۔‘‘
