بالی ووڈ کی مشہور اداکار جوڑی سدھارتھ ملہوترا اور کیارہ ایڈوانی کے ہاں بیٹی کی پیدائش ہوئی ہے۔کیارہ اور سدھارتھ نے اپنی بیٹی کی پیدائش کی خوشخبری مداحوں کے ساتھ سوشل میڈیا شیئر کی۔ جوڑے نے انسٹاگرام پر ایک مشترکہ پوسٹ میں بتایا کہ ان کے ہاں پہلے بچے کی پیدائش ہوئی ہے اور وہ ایک ننھی پری کے والدین بن گئے ہیں۔پوسٹ کے کیپشن میں لکھا تھا کہ "ہمارے دل خوشی سے بھر گئے ہیں اور ہماری دنیا ہمیشہ کے لیے بدل گئی ہے۔ ہمیں ایک بیٹی کی نعمت ملی ہے،کیارہ اور سدھارتھ کی پوسٹ پر مداحوں اور ساتھی اداکاروں کی جانب سے مبارکباد اور نیک تمناؤں کا اظہار کیا جارہا ہے۔ یاد رہے کہ کیارہ اڈوانی اور سدھارتھ ملہوترا فروری 2023 میں جیسلمیر، راجستھان کے سوریہ گڑھ پیلس میں ایک نجی تقریب میں رشتہ ازدواج میں منسلک ہوئے تھے۔ انہوں نے رواں سال فروری میں کیارہ کی حمل کی خبر کا اعلان کیا تھا۔کیارہ جلد ہی فلم ٹاکسک اور وار 2میں نظر آئیں گی، جبکہ سدھارتھ "پرم سندری” اور "وَان: فورس آف دی فاریسٹ” میں اداکاری کے جوہر دکھائیں گے۔
