بالی ووڈ کے اُبھرتے ہوئے اداکار کارتک آریان نے ساتھی اداکارہ سری لیلا کے ساتھ تعلقات کی خبروں پر اپنا ردعِمل دے دیا۔بھارتی میڈیا رپورٹ کے مطابق کارتک آریان نے ایک حالیہ انٹرویو میں انکشاف کیا ہے کہ وہ سنگل ہیں اور کسی کو ڈیٹ نہیں کر رہے۔ اداکار نے کہا کہ ’میں فی الحال سنگل ہوں اور ڈیٹنگ نہیں کر رہا۔ ماضی میں، میری ڈیٹنگ لائف کے بارے میں بہت سی قیاس آرائیاں کی جاتی تھیں، کچھ سچ تھیں، کچھ نہیں تھیں‘۔اداکار کا کہنا تھا کہ ’اس وقت اداکاراؤں کے ساتھ مجھے رومانوی طور پر جوڑنا میرے لیے نیا تھا اور میں اس پر زیادہ توجہ نہیں دیتا تھا۔ میڈیا اکثر ایک ہی تصویر سے کہانیاں بنا دیتا تھا، یہاں تک کہ اگر میں صرف کسی سے ملتا تھا تو مجھے اس کے ساتھ بھی جوڑ دیتے تھے‘۔یاد رہے کہ آخری مرتبہ کارتک آریان سارہ علی خان کے ساتھ اپنے رومانوی تعلق کیلئے مشہور تھے ان دونوں نے کئی دن تک ایک دوسرے کو ڈیٹ کیا تاہم ان کا یہ تعلق ختم ہوگیا جبکہ کارتک کا نام ماضی میں جھانوی کپور کے ساتھ بھی جوڑا جاتا رہا ہے۔
