بالی وڈ اداکارہ کریتی سینن نے اپنی شادی سے متعلق لب کشائی کی ہے۔کریتی سینن برطانیہ میں مقیم بزنس مین کبیر باہیا کے ساتھ ڈیٹنگ سے متعلق اکثر خبروں کی زینت بنی رہتی ہیں۔بھارتی میڈیا کے مطابق حال ہی میں اداکارہ سے ایک اینکر نے ان کی بہن کی شادی کا حوالے دے کر بات کی جس پر کریتی سینن قدرے ناراض نظر آئیں اور طنز کرتے ہوئے اینکر کو کہا کہ کیا آپ چاچی جی والے سوال پوچھ رہی ہیں کہ میری شادی کب ہو رہی ہے؟ زندگی میں شادی کے علاوہ اور بھی بہت کچھ ہے۔انہوں نے مزید کہا کہ فی الحال شادی کرنے کا کوئی ارادہ نہیں رکھتی، مجھے نہیں پتا شادی کب کروں گی لیکن جب بھی صحیح وقت لگے گا تو میں شادی کر لوں گی اور مجھے شادی کیلئے کوئی جلدی نہیں ہے۔
