دفتر برائے جنوبی اور وسطی ایشیائی امور کی سینئر بیورو آفیسر بیٹھینی پی۔ موریسن اور قائم مقام اسسٹنٹ سیکریٹری برائے انڈو-پیسیفک سیکیورٹی افیئرز جیڈیڈا پی۔ رائل نے بھارتی وزارت خارجہ کے ایڈیشنل سکریٹری ناگراج نائیڈو کاکنر اور بھارتی وزارت دفاع کے جوائنٹ سکریٹری وشویش نیگی کے ہمراہ امریکہ اور بھارت کے ورچوئل 2+2 انٹرسیشنل ڈائیلاگ کی مشترکہ صدارت کی۔اس مکالمے کے ذریعے، دونوں ممالک نے دوطرفہ اقدامات کو آگے بڑھایا، علاقائی سلامتی کی پیش رفت پر بات چیت کی، اور حکمت عملی سے متعلق متعدد مشترکہ ترجیحات پر اپنی آراء کا تبادلہ کیا۔ انہوں نے تجارت اور سرمایہ کاری؛ توانائی کے تحفظ، بشمول سول-نیوکلئئر تعاون کو مضبوط بنانے؛ اہم معدنیات کی کھوج؛ منشیات اور دہشت گردی کے خلاف تعاون؛ اور دیگر امور پر گفت و شنید کی۔دونوں فریقین نے دفاعی تعاون بڑھانے، بشمول امریکہ اور بھارت کے مابین اہم دفاعی شراکت داری کے لیے ایک نئے دس سالہ فریم ورک پر دستخط کرنے، نیز دفاعی صنعت، سائنس، اور ٹیکنالوجی میں تعاون؛ عملیاتی ہم آہنگی؛ علاقائی تعاون؛ اور معلومات کے تبادلے کو آگے بڑھانے کی توقع ظاہر کی۔شرکاء نے متفقہ طور پر فیصلہ کیا کہ وہ ریاستہائے متحدہ امریکہ اور بھارت کے مابین کمپیکٹ (فوجی شراکت کے مواقع کو فروغ دینے، تیز رفتار تجارت اور ٹیکنالوجی) کے تحت اب تک حاصل ہونے والی پیش رفت کو 21ویں صدی اور مابعد کے لیے مزید آگے بڑھائیں گے۔صدور نے کواڈ کے ذریعے ایک محفوظ، مضبوط، اور خوشحال انڈو-پیسیفک خطے کے فروغ کے لیے اپنے عزم کو دوبارہ دہرایا۔یہ مکالمہ صدور کی جانب سے نتیجہ خیز ملاقات کی تحسین اور امریکہ اور بھارت کے عوام کے فائدے کے لیے دوطرفہ تعلقات کی وسعت اور گہرائی کو بڑھانے کی پرجوش خواہش کے ساتھ اختتام پذیر ہوا۔
