چلی کے انٹارکٹک ریجن میں 7.5 شدت کا زلزلہ آیا تاہم سونامی کا خطرہ ٹل گیا۔پیسیفک سونامی وارننگ سینٹر نے اپنے مختصر وارننگ الرٹ کے بعد اعلان کیا کہ جمعرات کو جنوبی امریکا اور انٹارکٹیکا کے درمیان ڈریک پیسیج میں آنے والے اس زلزلے کے بعد کسی سونامی کا خطرہ موجود نہیں ہے۔امریکی جیولوجیکل سروے (USGS) کے مطابق زلزلہ ارجنٹائن کے شہر یوشوایا کے جنوب مشرق میں 700 کلومیٹر سے زائد فاصلے پر ریکارڈ کیا گیا، جہاں تقریباً 57 ہزار افراد آباد ہیں۔ادھر یورپی زلزلہ پیما مرکز کے مطابق میانمار اور بھارت کی سرحد کے قریب بھی 5.6 شدت کا زلزلہ محسوس کیا گیا۔
