بھارت میں بی جے پی، آر ایس ایس اور شیو سینا جیسی تنظیموں کے ذریعے ہندوتوا نظریے کا راج ہے۔ ہندوتوا ایک سیاسی منصوبہ ہے جس کا مقصد اکثریتی ہندو راشٹرا کی تشکیل ہے۔بھارتی ویب سائٹ اسکرول ان کی جانب سے ہندوتوا اور صیہونیت میں مماثلت کے حوالے سے آزاد عیسٰی کی کتاب کا تجزیہ جاری کیا گیا۔اسکرول ان کے مطابق آزاد عیسٰی نے ہندوتوا اور صیہونیت کی تاریخ کے بارے میں لکھا کہ پہلی جنگ عظیم کے بعد صیہونی تحریک نے فلسطین پر قبضے کی بنیاد رکھی، ہندو قوم پرستوں نے یورپی فاشزم اور صیہونیت دونوں کی حمایت کی۔ہندوتوا اور صیہونیت کا مشترکہ مقصد ’’دوسرے مذاہب‘‘ کی شناخت کو مٹانا اور ایک قوم بنانا ہے، ہندوتوا اور صیہونیت ’’دو قدیم تہذیبوں‘‘ کے نام پر اقلیتوں کو نشانہ بناتے ہیں۔کتاب کے مطابق ہندوتوا کے بانی ساورکر نے 1939 میں مسلمانوں کو ہندوستان کا یہودی قرار دے دیا تھا۔ مودی سرکار نے صیہونیت کے تحت فلسطینی علاقوں میں یہودی آبادکاری اور شہریت کی منسوخی کو خوب سراہا۔
