ماسکو: روس کے پارلیمانی انتخابات کے ابتدائی نتائج کے مطابق صدر ولادیمیر پیوٹن کی حمایت یافتہ جماعت یونائیٹڈ رشیا نے واضح برتری حاصل کرلی ہے۔95 فیصد سے زائد ووٹوں کی گنتی کے بعد یونائیٹڈ رشیا کو تقریباً 57.83 فیصد ووٹ ملے ہیں اور جماعت کو 450 رکنی اسٹیٹ ڈوما میں تقریباً 355 نشستیں ملنے کا امکان ہے۔یہ انتخابات 2022 میں یوکرین پر روس کے مکمل حملے کے آغاز کے بعد ملک کے پہلے پارلیمانی انتخابات ہیں۔ابتدائی نتائج کے مطابق کمیونسٹ پارٹی تقریباً 13.8 فیصد ووٹوں کے ساتھ دوسرے نمبر پر ہے، جبکہ لبرل ڈیموکریٹک پارٹی، نیو پیپل اور اے جسٹ رشیا بھی پارلیمان میں نشستیں حاصل کرنے کی پوزیشن میں ہیں۔روس کے مرکزی انتخابی کمیشن کے مطابق ووٹر ٹرن آؤٹ تقریباً 57 فیصد رہا۔ انتخابات میں 450 رکنی ایوانِ زیریں کے نصف ارکان پارٹی فہرستوں اور نصف سنگل سیٹ حلقوں سے منتخب کیے جاتے ہیں۔
