تنیشا مکھرجی کی شادی شدہ مردوں سے تعلقات رکھنے والی خواتین پر شدید تنقید
تنیشا مکھرجی نے شادی شدہ مردوں کے ساتھ تعلقات رکھنے والی خواتین کے حوالے سے سخت مؤقف اختیار کیا ہے، جس کے بعد سوشل میڈیا پر اداکارہ کی پوسٹ کے حق اور مخالفت میں بحث چھڑ گئی۔ایکس پر اپنے بیان میں تنیشا نے کہا کہ شادی شدہ مردوں کے ساتھ تعلق رکھنے والی خواتین دراصل دوسری خواتین کے خلاف ہیں، کیونکہ کسی کے شوہر کے ساتھ تعلق قائم کرنا اس کی بیوی کی بے عزتی کے مترادف ہے۔اداکارہ نے اس معاملے میں مردوں کو بھی برابر کا ذمے دار قرار دیا۔ ان کا کہنا تھا کہ ایسے مردوں کا کردار بھی درست نہیں، جبکہ شادی شدہ مردوں کے پیچھے جانے والی خواتین ’’بدطینت‘‘ ہیں اور انہیں بچوں کے لیے مشعلِ راہ نہیں ہونا چاہیے۔تنیشا کے بیان کے بعد صارفین نے بھی کھل کر اپنی آرا پیش کیں۔ ایک صارف نے اختلاف کرتے ہوئے کہا کہ غیر شادی شدہ خواتین نے وفاداری کا حلف نہیں اٹھایا ہوتا، جبکہ شادی شدہ مرد ازدواجی وفاداری کے پابند ہوتے ہیں، اس لیے شکایت کا آغاز ان مردوں سے ہونا چاہیے جو شادی شدہ ہونے کے باوجود دوسرے تعلقات قائم کرتے ہیں۔
