معروف بالی وڈ اداکارہ ملائکہ اروڑا کے مسٹری مین سے متعلق تفصیلات سامنے آگئیں۔بھارتی میڈیا کے مطابق ملائکہ اروڑا ایک بار پھر افواہوں اور خبروں کی زینت بن گئی ہیں اور اس کی وجہ وہ پراسرار شخص ہے جو بار بار ان کے ساتھ نظر آ رہا ہے، اس شخص کی شناخت ہرش مہتا کے نام سے کی گئی ہے۔بھارتی میڈیا کے مطابق اس حوالے سے قیاس آرائیوں میں اس وقت شدت آئی جب جوڑی کو ممبئی ائیر پورٹ پر دیکھا گیا۔اگرچہ اس بار ان دونوں نے محتاط رہنے کی کوشش کی، ملائکہ آگے رہیں اور ہرش کچھ قدم پیچھے تھے جنہیں نے ماسک لگا رکھا تھا۔بعدازاں دونوں ایک ہی گاڑی میں سوار ہو کر روانہ ہو گئے، اس منظر نے سوشل میڈیا پر ہلچل مچائی ہوئی ہے۔ہرش مہتا کو پہلی بار اداکارہ کے ساتھ ممبئی میں چند ہفتے قبل ایک کانسرٹ میں دیکھا گیا تھا جس کے فوراً بعد سوشل میڈیا پر ان کے نئے رومانس کے حوالے سے چہ مگوئیاں شروع ہو گئی تھیں۔غیر مصدقہ اطلاعات کے مطابق 33 سالہ ہرش مہتا ہیروں کے تاجر ہیں، اگر یہ اطلاعات درست ہیں تو وہ ملائکہ اروڑا سے 19 سال چھوٹے ہیں جو اس سال 52 برس کی ہوچکی ہیں۔
