پاکستان شوبز انڈسٹری سے تعلق رکھنے والی اداکارہ نورین گلوانی نے شادی سے متعلق خواہش کا اظہار کیا ہے۔اداکارہ نے ایک نجی ٹی وی چینل کے پروگرام میں شرکت کی جہاں انہوں نے اپنی شادی سمیت انڈسٹری کے حوالے سے گفتگو کی۔ایک سوال کے جواب میں نورین گلوانی نے کہا کہ وہ اپنی شادی کے لیے بھی دعائیں کرتی ہیں لیکن ان کی شادی نہیں ہو رہی۔میزبان کی جانب سے سوال پوچھا گیا کہ آپ کیسے لڑکے سے شادی کرنے کی خواہش مند ہیں؟ جس کے جواب میں اداکارہ نے بتایا کہ وہ جانوروں اور قدرت سے محبت کرنے والا ہوں، عقلمند، دراز قد کے ساتھ ساتھ اسپورٹس مین اور اچھی عادت والا بھی ہو۔انہوں نے مزید کہا کہ مجھے شادی کیلئے لڑکے سمجھ نہیں آتے، سوشل میڈیا پر لوگ کمنٹس کرتے ہیں لیکن میں ان میسجز کو کھول کر دیکھتی ہی نہیں ہوں اور ڈیلیٹ کر دیتی ہوں۔
