اداکار و پروڈیوسر یاسر نواز نے اپنی اہلیہ میزبان ندا یاسر کے غصے سے متعلق انکشاف کیا ہے۔حال ہی میں یاسر نواز نجی ٹی وی پر عید کے پروگرام میں شریک ہوئے جہاں میزبان کی جانب سے دلچسپ سوال و جواب کیے گئے اور ساتھ ہی مختلف کھیل بھی کھیلے گئے۔یاسر نواز نے ایک سوال کا جواب دیتے ہوئے بتایا کہ میری بیوی کو بہت غصہ آتا ہے اور اسے غصہ اس وقت آتا ہے جب اس کی بات نہ سنی جائے۔انہوں نے ایک قصہ سناتے ہوئے بتایا کہ ایک دن میری اور ندا کی لڑائی ہوئی تو میں نے ٹی وی کی آواز تیز کردی جس پر ندا کو غصہ آیا اور اس نے اسٹیل کی بوتل ٹی وی پر دے ماری جس سے ٹی وی کی اسکرین ٹوٹ گئی۔انہوں نے ایک اور قصہ سناتے ہوئے بتایا کہ میں ایک ڈرامے کیلئے ایک ہیروئن کو کاسٹ کررہا تھا جسے ندا نے مجھے کاسٹ کرنے سے منع کیا لیکن میں نے اس کی بات سے انکار کیا تو اس نے طیش میں آکر میرا لیپ ٹاپ توڑ دیا۔
