اسرائیل کی ایران، لبنان اور عراق پر حملوں کی دھمکیوں کے پیشِ نظر قطر ایئرویز نے ان ممالک کے لیے پروازیں عارضی طور پر بند کردیںعرب میڈیا کے مطابق قطر ایئرویز نے اعلان کیا ہے کہ وہ چند عرب ممالک کے لیے اپنی پروازیں بند اور کچھ کے لیے محدود کر رہا ہے۔قطر ایئرویز کی جانب سے جاری بیان میں کہا گیا ہے کہ اردن لیے پروازیں صرف دن کی روشنی میں دستیاب ہوں گی اور شام کے بعد معطل رہیں گی۔بیان میں مزید کہا گیا ہے کہ ایران، لبنان اور عراق کے لیے پروازیں تاحکم ثانی معطل رہیں گی۔ مسافروں کی زندگی کی حفاظت اولین ترجیح ہے۔مسافروں کو ہدایت کی گئی ہیں ان ممالک میں سفر سے پہلے ایئرلائن کے دفاتر سے مکمل معلومات حاصل کرلیں۔خیال رہے کہ قطر ایئرویز کی جانب سے پروازوں کی معطلی کا یہ بیان اُس وقت سامنے آیا ہے جب امریکی وزیرخارجہ انٹونی بلنکن مشرق وسطیٰ کے دورے پر قطر پہنچے ہیں۔قبل ازیں انٹونی بلنکن اسرائیل اور سعودی عرب میں بھی قیادت سے ملاقاتوں میں غزہ اور لبنان میں جنگ بندی پر بات چیت کرچکے ہیں۔
