بلیک پینتھر کے ہیرو چیڈوک بوسمین چل بسے

لاس اینجلس: فلم بلیک پینتھر میں اداکاری کے جوہر دکھانےوالے اداکار چیڈوک بوسمین 43 سال کی عمر میں وفات پا گئے ہیں۔

چیڈوک بوسمین گزشتہ چار سال سے بڑی آنت کے کینسر میں مبتلا تھے۔

بوسمین کے انتقال کی تصدیق ان کی فیملی کی جانب سے سماجی رابطوں کی ویب سائٹ ٹوئٹر پر جاری کردہ بیان میں کی گئی۔

ہالی ووڈ اداکار کی فیملی کی جانب سے بوسمین کے ہی ٹوئٹر اکاؤنٹ پر جاری کردہ بیان میں کہا گیا ہے کہ ’انتہائی دکھ کے ساتھ ہم یہ تصدیق کرتے ہیں کہ چیڈوک بوسمین اب ہم میں نہیں رہے۔‘