آریان خان کو گرفتار کرنے والے افسر کیخلاف مقدمہ درج

ممبئی: بھارتی تحقیقاتی ادارے سینٹرل بیورو آف انویسٹی گیشن نے بالی وڈ اداکار شاہ رخ خان کے بیٹے آریان خان کو منشیات کیس میں گرفتار کرنے والے افسر کے خلاف مقدمہ درج کر لیا۔سی بی آئی حکام کے مطابق اینٹی نارکوٹکس کے افسر سمیر وانکھڈے کے خلاف دو سال قبل کروز ڈرگ کیس میں آریان خان کو گرفتار نہ کرنے کے بدلے 25 کروڑ روپے رشوت طلب کرنے پر مقدمہ درج کیا گیا ہے۔حکام کے مطابق وانکھڈے اور دیگر اہلکاروں نے مبینہ طور پر آریان خان کو منشیات کیس میں شامل نہ کرنے کے بدلے 25 کروڑ روپے رشوت طلب کی تھی۔