کروناوائرس: چین نے عالمی سطح پر بڑا اعلان کردیا

467

بیجنگ: چین نے کروناوائرس سے نمٹنے کے لیے دنیا کو ویکسین فراہم کرنے کا اعلان کردیا۔

غیرملکی خبررساں ادارے کی رپورٹ کے مطابق چین نے دنیا بھر میں کرونا متاثرہ ممالک کو ویکسین دینے کا اعلان کیا ہے، چین نے لاکھوں ویکسین ایئرپورٹ پر پہنچا دیں جو ترسیل کے لیے تیار ہیں۔

رپورٹ کے مطابق چین کا کہنا ہے کہ آرڈر آنے پر کروناویکسین فوری فراہم کریں گے، ویکسین ان ممالک کو پہلے دی جائیں گی جنہوں نے اس کے ٹرائل کیے۔ خیال رہے پاکستان بھی چینی ساختہ کروناویکسین کے ٹرائل کا حصہ ہے۔

ذرایع نے بتایا ہے کہ پاکستان میں بھی چینی ویکسین کے فیز تھری ٹرائل ہوچکے ہیں۔

چین نے کرونا ویکسین کے گوداموں میں داخلے کے لیے ہر فرد کا 2ہفتے کا قرنطینہ لازمی قرار دیا ہے۔ ویکسین کی فراہمی کارگوجیٹ طیاروں کے ذریعے کی جائے گی۔