بھارتی کرکٹر کو اسمگلنگ کے شبہ میں ایئرپورٹ پر روک لیا گیا

بھارتی کرکٹر کو آئی پی ایل سے واپسی پر اسمگلنگ کے شبہ میں ممبئی ایئرپورٹ پر روک لیا گیا۔

بھارتی میڈیا کے مطابق لیگ کی فاتح ٹیم کے آل راؤنڈر کرونال پانڈیا کو ڈائریکٹر آف ریونیو انٹیلی جنس نے ایئرپورٹ پر روک لیا اور پوچھ گچھ کی۔

قیمتی اشیا اور سونا ظاہر نہ کرنے پر کھلاڑی کو ایئرپورٹ پر حکام نے روک کر سوالات پوچھے، ان سے قیمتی سامان کے بارے میں تفصیلات پوچھیں۔

اس حوالے سے کئی ٹوئٹر صارفین نے لکھا کہ کھلاڑی کو ایئرپورٹ حکام نے اپنی حراست میں لے لیا ہے اور وہ تاحال باہر نہیں آ سکے۔