’پرواز ہے جنون‘ چین میں ریلیز

258

بیجنگ: مومنہ اینڈ درید فلمز کے بینر تلے پاک فضائیہ کے اشتراک سے بننے والی فلم ’پرواز ہے جنون‘ کو چین کے سینما گھروں میں نمائش کے لیے پیش کر دیا گیا ہے۔

پاکستان اور سعودی عرب میں دھوم مچانے والی ’پرواز ہے جنون‘ کا گزشتہ روز چین میں شاندار پریمیئر ہوا۔

ہم فلمز کی ’پرواز ہے جنون‘ چین میں چالیس سال بعد ریلیز ہونے والی پہلی پاکستانی فلم ہے۔  فلم پورے چین میں کمرشل بنیادوں پر نمائش کے لئے پیش کی گئی ہے۔

یاد رہے کہ پرواز ہے جنون سعودی عرب میں بھی کمرشل بنیادوں پر ریلیز کی جانے والی پہلی پاکستانی فلم ہے۔

دنیا بھر میں فلم کے شائقین نے نہ صرف ’پرواز ہے جنون کے موضوع کو سراہا بلکہ  فلم میں اداکاری کے جوہر دکھانے والے تمام فنکاروں کی تعریف بھی کی۔