لیکشن میں 27 لاکھ ووٹ ضائع ہوئے: ٹرمپ کا الزام

240

صدر ٹرمپ نے الزام لگایا ہے کہ صدارتی الیکشن میں 27 لاکھ ووٹ ضائع کیے گئے۔

امریکی صدر کا کہنا تھا کہ پینسلوانیا میں ان کے 2 لاکھ 21 ہزار ووٹ بائیڈن کو دیئے گئے، دوسری جانب امریکا کے وفاقی انتخابی عہدداروں نے کہا ہے کہ 2020 کے صدارتی انتخابات امریکی تاریخ کے محفوظ ترین الیکشن تھے۔ انہوں نے صدر ٹرمپ کے دھوکہ دہی کے دعووں کو مسترد کر دیا۔ انہوں نے مزید کہا کہ ووٹوں کے تبدیل ہونے کے ثبوت نہیں ملے۔

صدر ٹرمپ اس سے قبل نو منتخب صدر جوبائیڈن کو اقتدار منتقل کرنے سے انکار کر چکے ہیں، اگر ایسا ہواتو یہ امریکی تاریخ میں پہلی مرتبہ ہو گا کہ ایک امریکی صدر انتخابات میں شکست کے بعد غیر قانونی طریقے اختیار کر رہا ہے۔ صدر ٹرمپ اپنی انتخابی مہم کے دوران بھی یہ کہہ چکے ہیں کہ وہ صرف اسی صورت ہار سکتے ہیں جب الیکشن چوری کئے گئے ہوں، اب جب وہ الیکشن ہار چکے ہیں تو سپریم کورٹ جانے پر بضد ہیں۔