شیاؤمی نے دنیا کا تیز ترین وائرلیس چارجر تیار کرلیا

204

ایپل نے گزشتہ ہفتے آئی فون 12 میں 15 واٹ وائرلیس چارجنگ سپورٹ متعارف کرائی تھی اور اب اس کے جواب میں شیاؤمی نے 5 گنا تیز ٹیکنالوجی کو پیش کیا گیا۔

چینی کمپنی نے ایک 80 واٹ وائرلیس چارجر کو متعارف کرایا ہے جو می 10 پرو کی 4000 ایم اے ایچ بیٹری کو صرف 8 منٹ میں صفر سے 50 فیصد تک بھر سکتی ہے۔

مگر اس سے بھی بڑھ کر یہ وائرلیس چارجر 4000 ایم اے ایچ بیٹری کو محض 19 منٹ میں سوفیصد چارج کرسکتا ہے۔

شیاؤمی کے بقول یہ وائرلیس چارجر نہ صرف اس وقت دستیاب ہر وائرلیس سسٹم کو شکست دے سکتا ہے بلکہ بیشتر وائر چارجنگ سسٹم بھی اس کا مقابلہ نہیں کرسکتے۔

اوپو کی جان سے حال ہی میں 65 واٹ ایئر وی او او سی سسٹم کا مظاہرہ کیا گیا تھا جو صرف 30 منٹ میں کسی فون کو وائرلیس طریقے سے مکمل چارج کرسکتا ہے۔