آرمینیا اور آذربائیجان کا ’انسان دوستی‘ کے تحت جنگ بندی کا اعلان
باکو: آرمینیا اور آذربائیجان نے انسانیت کے نام پر جنگ بندی کے معاہدے پر اتفاق کیا ہے جس کے تحت فوری طور پر سیز فائر پر عمل درآمد کیا جائے گا۔
عالمی خبر رساں ادارے کے مطبق آرمینیا اور آذربائیجان کے وزرائے خارجہ نے انسانی ہمدردی کے تحت جنگ بندی پر اتفاق کرلیا ہے، جس کے تحت رات گئے دونوں ممالک سیز فائر پر عمل درآمد شروع کردیں گے۔
دونوں ممالک کے درمیان جنگ بندی کی یہ دوسری کوشش کی ہے جو گزشتہ روز آرمینیا کی جانب سے آذربائیجان کے شہر گانجا میں میزائل حملے میں 17 شہریوں کے جاں بحق ہونے کے بعد کی گئی ہے جب کہ ایک ہفتے قبل بھی روس کی ثالثی میں جنگ بندی کا اعلان کیا گیا تھا۔