امریکی صدر ٹرمپ کے پی اے بھی کورونا وائرس کا شکار

216

واشنگٹن: کورونا وائرس میں مبتلا امریکی صدر ٹرمپ کے پرسنل اسسٹنٹ ( پی اے) بھی کورونا کا شکار ہوگئے۔

 ٹرمپ کے پرسنل اسسٹنٹ نکلس لیونا امریکی صدر کے انتہائی قریبی ساتھی ہیں اور اپنے کام کی نوعیت کی وجہ سے وہ زیادہ تر صدر ٹرمپ کے ساتھ ہی رہتے ہیں۔

 وائٹ ہاؤس کے حکام نے نکلس لیونا کے کورونا وائرس میں مبتلا ہونے کی تصدیق کی ہے۔

میڈیا رپورٹ کے مطابق نکلس لیونا کو امریکی صدر کا باڈی مین سمجھا جاتا ہے، ان کی ذمہ داریوں میں صدر کے ضروری کاغذات، بیانات کا متن اور بریفنگ بُکس سمیت دیگر ضروری کام شامل ہیں۔

نکلس لیونا کے کورونا وائرس میں مبتلا ہونے پر وائٹ ہاؤس کی جانب سے کوئی بیان جاری نہیں کیا گیا ہے۔