جی جی حدید اور زین ملک کے ہاں ننھے مہمان کی آمد

فلسطینی نژاد امریکی سپر ماڈل جی جی حدید اور برطانوی گلوکار زین ملک کے ہاں ننھے مہمان کی آمد ہوئی ہے جس کا اعلان دونوں نے اپنے انسٹاگرام اکاؤنٹ پر کیا۔

برطانوی گلوکار زین ملک اور امریکی سپر ماڈل جی جی حدید دونوں نے اپنے انسٹاگرام اکاؤنٹ پر بیٹی کی پیدائش کے حوالے سے ایک ایک پوسٹ شیئر کی جب کہ جوڑے نے بیٹی کی کوئی تصویر شیئر نہیں کی۔

زین ملک نے اپنی بیٹی کا ہاتھ تھامے تصویر شیئر کی جس کے کیپشن میں انہوں نے لکھا کہ ’ہماری بیٹی صحت مند اور خوبصورت ہے، میں اس وقت جو محسوس کر رہا ہوں وہ ناقابل بیان ہے، میں اسے اپنی بیٹی کہنے پر فخر محسوس کر رہا ہوں‘۔

دوسری جانب جی جی حدید نے بھی اپنے انسٹاگرام اکاؤنٹ پر بیٹی کا ہاتھ تھامے ہوئی ایک تصویر شیئر کی اور ساتھ میں کیپشن لکھا کہ ’ہماری بیٹی اس ہی ویک اینڈ پر دنیا میں آئی ہے اور اس نے ہماری دنیا ہی بدل دی ہے، ہم اس سے بہت پیار کرتے ہیں‘۔