امریکی جج کا ٹک ٹاک پر پابندی کے حکم پر اطلاق روکنے کا عندیہ

259

واشنگٹن: امریکا کے ایک جج نے ٹرمپ انتظامیہ کو ویڈیو ایپ ٹک ٹاک کے نئے ڈاؤن لوڈز پر پابندی میں تاخیر کرنے پر زرو دیا ہے اور عندیہ دیا ہے کہ وہ 27 ستمبر سے لاگو ہونے والے حکومتی فیصلے کو لاگو ہونے سے روک سکتے ہیں۔

خیال رہے کہ ٹک ٹاک نے امریکی صدر ڈونلڈ ٹرمپ کی جانب سے 19 ستمبر کو جاری کردہ پابندی کے فیصلے کے خلاف عدالت سے رجوع کیا تھا، ان کے مطابق اگر یہ فیصلہ عارضی ہو تب بھی اس سے ویڈیو شیئرنگ ایپلی کیشن کو ناقابل تلافی نقصان پہنچ سکتا ہے کیونکہ امریکا میں اس کے 10 کروڑ کے قریب صارفین موجود ہیں۔