دنیا بھر میں کرونا سے اموات کی تعداد 9 لاکھ 61 ہزار ہوگئی

واشنگٹن/لندن/دہلی: دنیا بھر میں کروناوائرس سے متاثرہ افراد کی تعداد 3 کروڑ 6 لاکھ 98 ہزار 86 ہوگئی جبکہ وبائی مرض سب اب تک 9 لاکھ 61 ہزار مریض ہلاک ہوچکے ہیں۔

تفصیلات کے مطابق دنیا بھر میں عالمی وبا کروناوائرس کے وار جاری ہیں، امریکا، یورپ، بھارت سمیت درجنوں ممالک مہلک وائرس کی لپیٹ میں ہے، کئی ملکوں میں وبا نے اپنی دوسری لہر بھی دکھایا شروع کردی ہے۔

پوری دنیا جہاں کرونا سے مقابلہ کررہی ہے کہ وہیں ویکسین کی تیاری کے لیے بھی متعدد کمپنیاں اپنی کاوشیں بروئے کار لارہی ہیں لیکن بدقسمتی سے اب تک کوئی بھی مؤثر اور حتمی ویکسین تیار نہیں ہوئی۔

بھارت میں 24 گھنٹے کے دوران مزید92 ہزار سے زائد کیس رپورٹ ہوئے اور ہلاک افراد کی تعداد86 ہزار ہوگئی۔ یورپ میں کروناکی دوسری لہر بڑھنے لگی ہے جس کے باعث مختلف ممالک میں پابندیاں سخت کردگئیں۔

فرانس میں مزید ساڑھے 13 ہزار کیسز رپورٹ ہوئے، برطانیہ میں 4 ہزار 400 سے زائد نئے مریض سامنے آئے۔

مندرجہ بالا سمیت دیگر کئی مملک بھی مہلک وائرس سے لڑ رہے ہیں۔