فیلڈر کو گیند لینے اسٹیڈیم سے باہر جانا پڑا
کورونا میں کرکٹرز کی محنت بھی ڈبل ہوگئی۔ پہلے ون ڈے میں آسٹریلوی کھلاڑی مچل مارش کو گیند ڈھونڈنے کیلئے گراؤنڈ کی پارکنگ میں جانا پڑگیا۔
کمنز کی گیند پر بلنگز نے چھکا مارا تو گیند پارکنگ میں چلی گئی جسے لینے کے لیے مچل مارش کو اسٹیڈیم سے باہر پارکنگ میں جانا پڑا۔
کورونا ایس او پیز کے تحت اسٹیڈز اور گراؤنڈ سے باہر جانے والی گیند کو فیلڈر ہی لاسکتا ہے۔
خالی اسٹیڈیم میں باؤنڈری سے باہر گیند جانے پر فیلڈر کو ہی لانی پڑتی ہے، انہیں گراؤنڈ اسٹاف یا بوائز کی مدد حاصل نہیں ہوتی۔