پہلی بار اسرائیلی ماڈل کا متحدہ عرب امارات میں فوٹو شوٹ
متحدہ عرب امارات اور اسرائیل میں تعلقات کی بحالی کے باوجود اگرچہ تاحال دونوں ممالک کے درمیان فضائی سفر شروع نہیں ہوا اور نہ ہی تاحال دونوں ممالک کے شہری سیاحت کے غرض سے ایک دوسرے کے ملک جا سکتے ہیں۔
تاہم امکان ظاہر کیا جا رہا ہے کہ جلد ہی دونوں ممالک فضائی سفر سمیت سیاحتی تعلقات بھی بحال کردیں گے، جس کے بعد کوئی بھی اسرائیلی شہری متحدہ عرب امارات آ سکے گا اور کوئی بھی اماراتی شہری اسرائیل جا سکے گا۔
لیکن دونوں ممالک میں تاحال سیاحتی تعلقات بحال نہ ہوپانے کے باوجود پہلی بار ایک اسرائیلی ماڈل متحدہ عرب امارات پہنچیں اور وہاں انہوں نے اماراتی نژاد روسی ماڈل کے ساتھ فوٹوشوٹ بھی کروایا۔
رپورٹ کے مطابق مے ٹیگر نے متحدہ عرب امارات کی رہائشی روسی نژاد ماڈل انستاسیا کے ساتھ مل کر دبئی کے صحرا میں خواتین کےلباس کا فوٹو شوٹ کروایا۔
اسرائیلی ماڈل براہ راست اسرائیل کے پاسپورٹ سے نہیں آئی تھیں بلکہ یورپ کے کسی دوسرے ملک کے پاسپورٹ کے تحت یورپ کے ذریعے ہی متحدہ عرب امارات پہنچی تھیں۔
اسرائیلی ماڈل نے متحدہ عرب امارات کی ماڈل کے ساتھ دبئی کے صحرا میں کرائے گئے فوٹوشوٹ کے دوران اپنے ملک کا جھنڈا بھی یو اماراتی سرزمین پر لہرایا۔
دونوں ماڈلز کی وائرل ہونے والی تصاویر میں دونوں کو جسم پر اپنے اپنے ملک کا قومی پرچم پہنے ہوئے دیکھا جا سکتا ہے۔
پہلی اسرائیلی ماڈل کی جانب سے متحدہ عرب امارات میں اسرائیلی برانڈ کی تشہیر کیے جانے کے بعد خیال کیا جا رہا ہےکہ دونوں ممالک کے دوران جلد ہی ثقافتی تعلقات بھی بحال ہوجائیں گے۔