نوکیا 5.3 اسمارٹ فون پاکستان میں فروخت کے لیے پیش

ایچ ایم ڈی گلوبل نے نوکیا 5.3 اسمارٹ فون پاکستان میں فروخت کے لیے پیش کردیا ہے۔

یہ فون رواں سال مارچ میں ایک آن لائن ایونٹ کے دوران نوکیا 8.3 اور نوکیا 1.3 کے ساتھ متعارف کرایا گیا تھا اور اب لگ بھگ 6 ماہ بعد پاکستان میں پیش کیا گیا۔

نوکیا 5.3 میں 6.55 انچ ایچ ڈی پلس آئی پی ایس ڈسپلے دیا گیا ہے جس میں بیزل کافی نمایاں ہے، جبکہ پلاسٹک باڈی دی گئی ہے۔

فون میں اسنیپ ڈراگون 665 پراسیسر کے ساتھ، 3، 4 اور 6 جی بی ریم جبکہ 64 جی بی اسٹوریج دی گئی ہے جس میں ایس ڈی کارڈ سے اضافہ کیا جاسکتا ہے۔