اب کریں "فیس بک شاپ” کے ذریعے خریداری

188

سماجی رابطوں کی مقبول ترین ایپ فیس بک نے حال ہی میں ایک نیا ٹیب متعارف کرایا ہے جس کا نام ‘فیس بک شاپ’ ہے۔

غیر ملکی خبر رساں ادارے کے مطابق فیس بک کی زیر ملکیت کمپنی انسٹاگرام کی جانب سے یہی فیچر جولائی میں متعارف کرایا گیا تھا۔

اب فیس بک کی جانب سے یہ ٹیب ایپ میں شامل کیا گیا ہے، اس ٹیب کے ذریعے صارفین جس بھی برانڈ کے پیج کو کھولیں گے اور وہاں سے کوئی چیز خریدنا چاہیں گے تو اس کے لیے انہیں برانڈ کی ویب سائٹ نہیں کھولنا پڑے گی۔

اس سے قبل صارفین اگر فیس بک پر کسی برانڈ کے پیج کو کھولتے تھے اور وہاں سے خریداری کے لیے انہیں اس برانڈ کی آفیشل ویب سائٹ کھولنا پڑتی تھی لیکن اب فیس بک نے اس طریقہ کار کو بے حد آسان بنا دیا ہے۔