سنجے دت کینسر کے علاج کے لئے امریکہ آئیں گے

286

بولی وڈ سنجو بابا کو تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں جس کے بعد ان کی اہلیہ منائتا دت نے چند روز قبل بھارت میں علاج شروع کرانے کی تصدیق کی تھی۔

تاہم اب اطلاعات ہیں کہ سنجے دت نے امریکا کا ویزا حاصل کرلیا ہے اور جلد علاج کے لیے روانہ ہوں گے۔

گزشتہ دنوں میں بھارتی میڈیا کی رپورٹس میں کہا گیا تھا کہ بھارت کے شہر ممبئی کے ہسپتال میں سنجے دت کی کیموتھراپی شروع ہونے کے امکانات ہیں۔

ور انہیں لیلاوتی ہسپتال اور کوکیلا بین ہسپتال جاتے ہوئے بھی دیکھا گیا تھا۔

جس کے بعد ان کی اہلیہ منائتا دت نے سنجے دت کی گھر سے کوکیلا بین ہسپتال روانگی کی بعد بھارت میں علاج شروع کروانے کی تصدیق کی تھی۔

پنک ولا کی رپورٹ کے مطابق مڈ ڈے کی حالیہ رپورٹس میں دعویٰ کیا گیا ہے کہ سنجے دت نے طبی بنیادوں پر 5 سال کے لیے امریکا کا کا ویزا حاصل کرلیا ہے اور میموریل سلون کیٹیرنگ کینسر سینٹر میں علاج کرانے کا امکان ہے۔

خیال رہے کہ 1980 سے 1981 کے درمیان اسی ہسپتال میں ان کی والدہ نرگس دت بھی لبلبے (pancreatic) کے کینسر کے علاج کے لیے داخل ہوئی تھیں۔